貓屎咖啡 Kopi Luwak

總有一天, 大點要去歎番杯!

在 四季酒店Caprice 飲一小杯的貓屎咖啡Espresso 要 $220，如此矜貴的背後居然有個核突出身。貓屎咖啡原名叫Kopi Luwak，因為咖啡豆是來自印尼一種叫Luwak 的麝香貓糞便。麝香貓天生愛挑優質咖啡果實來吃，但腸胃受不了堅硬的咖啡豆內層，咖啡豆於是隨糞便排出體外，而後來有人發現將Luwak 糞便中的咖啡豆沖泡出來竟然香濃甘甜，皆因一般咖啡苦味都是來自蛋白質，而貓屎咖啡豆在麝香貓肚內被胃酸同酵素將蛋白質都分解了，所以咖啡全無苦味，口味 獨特。

聞 落，貓屎咖啡的生豆全無咖啡香氣，只有一大陣「 藥材味 」，呢陣係咖啡豆排出時經過 Luwak 生殖器而沾到的麝香油味道，不過沖泡出來之後，這味就消失了，反而聞到好 Fresh 的果酸味，望落面層有陣金黃色Creama ，唔算太厚，飲落個Body 好濃，第一口酸味很濃，但喝後的 after taste 才是主菜。 入口有一陣好舒服的果酸味，順喉唔會澀，不過佢既香氣同酸度都好似玻璃咁，易碎易散，好快流失，但佢最突出係 after taste ，留係口腔好長時間。飲 Espresso 一定要趁熱飲晒，只係一、兩分鐘既事，反而留係口的 after taste 先係慢慢「 嗒 」，Luwak 的餘味，即使飲幾杯清水後仍然強烈，香純的咖啡味亦不會「 鞋 」 口 。
貓屎咖啡面有一層金啡色的Crema ， 不算太厚而且容易消散。而咖啡生豆呈淺啡色，聞不到咖啡味，卻有一股特別的藥材味道。

咖啡的capsule 需用特製咖啡機來沖，水溫規定要攝氏 96 度，10 個大氣壓力，Caprice 更以無色無味的法國 Wattwiller 礦泉水來沖泡，以保原味。

貓屎咖啡運到香港時，已經過炒豆、烘焙等過程，並磨碎放入一個capsule 內，而每杯咖啡還跟一張證書，有編號，相當名貴。