上星期五, 約了數名blog友到在九展舉行的Pet Expo逛逛, 出發前數天, 我一直上官網看看有哪些參展商, 可惜到舉辦前一天, 仍未有Update, 算了, 目的還只是跟大家聚聚, 又沒有必買不可的東西.
最後當然有點兒失望, 過去一直有參展的Hills, Royal Canin都沒有, 最後只買了好一點點東西. 其中就是這枝Urine Off
買了24罐Sheba罐罐, 寵物店售大約$7-8一罐, 寵物展售$5一罐, 我們四人, 每人各買了24罐呢!
買到這塊藏有cat nip的墊墊, 我見blog友的貓貓都很喜歡. 我把它放在梳化上, 希望貓貓不要再抓梳化了.
另外買了這個很多blog友都擁有的紙板製小屋, $98, 價錢和外面一樣 (淘寶廿多元就有了), 買這個是我發現原來裏面是放有瓦通紙抓抓的, 這樣就很好了, 抓出來的紙碎, 不會弄得到處都是.
咕咕的
麼麼, 別動! 讓媽媽先拍照再救你!
大點想問你三才罐罐係咪重味精？波波不嬲唔鐘意食濕糧，本應蒸柳俾佢都食，修尾佢尿道炎就試咗多隻唔同牌仔同味道，佢最like 係三才，米一罐分三日再加水俾佢食，不過栢域啲姑娘話太重味精，唔適宜食，
回覆刪除咁又試其他罐罐佢又唔食，衰到宜家蒸雞柳都唔吼，見你買seba罐罐俾貓地，睇吓你對三才見解呢！
[版主回覆08/01/2011 20:45:00]係, 三才係重味精的, 唔建議有腎/尿道問題貓食. 其實日本牌子一向都較濃味, Sheba個人覺得好少少, 打開起碼唔算太香口, 而且都係肉塊, 好似唔錯. 佢試過邊d牌子唔肯食? 等我再諗下有邊d下次拎俾佢試下.
唔使喇！等我再諗吓計先！因為佢比較麻煩豬，啱食既罐罐又敏感''R''甩毛，好彩仲有隻佢都免強 like，不過想佢食多啲款色呢。
回覆刪除唔該你！
[版主回覆08/01/2011 21:15:00]你可以考慮下: almo nature (好純正, d肉靚到好似人食咁, city super有售, 或online訂都得) applaws (ocean fish味比較多貓鍾意食, 又係好好既罐罐, online有得訂) Schesir (好多款口味, Q pet有得賣, 又係唔錯) 希望快d搵到一款波波鍾意又有益既罐罐
嗰張墊，我家天師仔好鍾意，佢每次坐上去前一定會抓抓抓 妳好衰呢，唔幫貓地剪甲，搞到貓地咁狼狽
回覆刪除[版主回覆08/02/2011 00:09:00]你知嘛，我一見到張墊就諗起你啦！ 係啦，都係我衰，攪到麼麼樣衰衰咁！
麼麼你個pose好迷人呢
回覆刪除[版主回覆08/02/2011 09:08:00]麼麼: 媽媽攪到我好醜怪就真
我都係一見到張綠色墊墊就諗起仔仔媽La 間屋仔有兩個攤位賣，分別賣98／120，終於都係無買 阿麼個腩... 好勁呀
回覆刪除[版主回覆08/02/2011 09:07:00]證明仔仔張蓆幾深入民心 麼麼自從果時脂肪肝瘦左一輪, 好返就肥返哂, 明明唔係餵好多, 但就超級吸收
可惜那天我要上班不能去見下你們啦..快d安排食番餐見下面啦
回覆刪除[版主回覆08/02/2011 09:05:00]知道! 會快d約飯局!
波子糖都係成日勾住手仔係梳化
回覆刪除[版主回覆08/02/2011 10:33:00]我D貓成日勾梳化同窗簾, 尤其有兩隻貓我剪唔到指甲.
你好衰呀, 影完相先救麼麼, 不過俾著我都會 佢個post太攪笑啦
回覆刪除[版主回覆08/02/2011 11:58:00]我仲影左幾張先埋去幫佢解圍
sheba佢地唔食呀, 要食三才同達人, 寵物展三才 24/$180, 亞金有糖尿病要食醫生糧. 主要係比mickey同家姐屋企四隻貓食, mickey一罐食四日, 都係氹下佢啫
回覆刪除[版主回覆08/02/2011 14:02:00]係呀, 三才太濃味, 如果長期食就唔太好. 我班貓唔嘴叼架, 咩都食既!
麼麼咁吊法，如果佢掙扎會唔會甩甲甲？
回覆刪除波波呢三隻俾子都試過，Almo nature 吞拿魚免强o.k.喇、雞雞就唔吼﹔tuna ＋ 三文魚唔食、Applaw 吞拿魚有飯又唔食﹔Scheir 試食過好似有'r' 毛現象。你話呢隻矮仔波係米超級厭尖！
[版主回覆08/02/2011 15:04:00]矮仔波 佢真係幾嘴叼, 難為了媽媽! 麼麼冇事呀! 我救左佢啦, 我唔救佢, 佢地都有辦法甩身, 貓貓好聰明架.
麼麼個肚肚好性感
回覆刪除[版主回覆08/02/2011 20:47:00]肥騰騰！ 不過佢個肚由細到大都好粉紅，佢細細個我就叫佢做士多啤梨肚！
好似好多收穫喎 我地去左買泥加小欖，冇出城呀!!
回覆刪除over over，點交d玩具俾你好呢？我可以搵日送去你屋企附近！
[版主回覆08/02/2011 20:48:00]我住西貢呀，巧遠架！你住冰頭呀？
麽麽呢個post好似拍緊藝術照咁樣。好誘人呀！
回覆刪除[版主回覆08/06/2011 04:24:00]超級sexy!
今年寵物展我冇去。但見很多blog友的評價都話麻麻地。似乎一年不及一年了。主辨單位真係要檢討下啦。
回覆刪除[版主回覆08/06/2011 04:24:00]係，幾個大牌子都冇擺booth, 不過九展舉辦呢個寵物展係較小型的，等出年會展再舉辦先去啦！
等我諗諗，睇下下一個星期日叫鄭sir 陪我去行下，我都有幾個月冇去過！我以前買左兩塊大又厚既布冚住sofa ga，幾好！
回覆刪除[版主回覆08/06/2011 04:22:00]我私留個電話俾你，你決定幾時過來預先通知我，因為我通常星期日下午3﹣4有堂上，但可以調堂。唔急啦，慢慢約！
回覆刪除好鍾意佢個無奈樣...而且極優雅姿態美妙...
[版主回覆08/06/2011 04:21:00]真係勁無奈！
亞大點除咗之前嗰三隻牌子罐罐，仲有邊隻比較好啲呢？ hill 同 royal canin o 唔 o.k.？
回覆刪除波波連比較鐘意既 almo nature 吞拿魚都敏感，見佢食咗三天又 'r' 甩鬚鬚附近既毛毛，我就嚟俾佢玩謝
[版主回覆08/06/2011 04:20:00]其實如果搵唔到合適罐頭就唔好勉強，試下自己烚／蒸柳，睇下佢肯唔肯食！hills同royal canin D罐頭通常係處方糧，普通既就少見D。呢幾隻都算出名係成份好，日本罐頭就多數較重味！波波之前身體唔好，盡量少食。
其實不如烚D雞柳代替罐頭！不過，一定要烚到好熟！
回覆刪除[版主回覆08/06/2011 04:18:00]我有架！不過有一隻貓唔食！
下，我見過好多貓唔食魚柳，但未見過貓唔食雞柳啊！我果位小尾大帝，只肯食雞柳，連罐頭都唔吼！
回覆刪除[版主回覆08/08/2011 00:27:00]我最近買過一款雞肉罐，都有一貓唔食，反而魚魚罐就個個都食！
先前在fb已見過麼麼的這張相，而家再睇，依然覺得好好笑
回覆刪除[版主回覆08/08/2011 00:28:00]我自己睇都覺得好好笑！
隻衰矮仔可能俾我寵壞咗 ，湊佢返嚟，佢唔食罐罐，米照 個 breeder 蒸雞柳俾佢食﹔修尾尿道炎見網友話加水落濕糧到，等佢吸收多啲水，先至開始揾罐罐俾佢食，食到佢咀叼哂 。
回覆刪除早幾日買pack四十幾蚊 嘅巴西雞柳，蒸俾佢都唔食 ﹔琴日經過一田買咗 pack 三十幾蚊 既日本雞柳都唔吼。 明明之前想同佢絕育，專登走去一田買雞柳蒸俾佢，等貓體強壯啲先做手術，佢好鐘意食嘛。
唔理喇，抵濟佢幾日，睇吓佢仲有無咁衰 ！
[版主回覆08/08/2011 00:29:00]試下一排唔再俾罐罐，淨俾乾糧，濟佢一排再俾雞柳睇下會唔會肯食返！
唉，我隻肥仔刨豬手呀！話說兩年前我地盡備風乾隻鴨整明爐燒鴨，點知見到有隻肥貓爬上個架想偷走隻鴨 ！
回覆刪除上個星期六，我地焗好隻豬手，諗住等一陣先切，我行開一陣，就見到隻肥貓係到雙手禁住隻豬手係咁刨
[版主回覆08/08/2011 20:03:00] 好倡狂! 我大部份貓唔敢食人野架! 最多等你食完去舔舔碟!
haha,麼麼求救中都咁誘人
回覆刪除