波波有家了

上一次我說過跟朋友帶其發現的唐狗出席領養日, 可惜無功而回. 不過, 皇天不負有心人, 波波終於有家了!

這是發現波波的人所寫的, 我原文刊登.

"在此，我想公告各位關心波波嘅親朋戚友+網友，波波上月中已經被領養喇。新主人係住喺我同一屋苑某地下單位嘅退休夫婦。波波依家不愁寂，因為新主人有一隻好乖嘅五歲金毛，另有四隻細種狗仔同兩隻貓貓。
波波好快適應咗新環境，新主人+佢地個女+工人都好錫佢。過幾日我會影D相放上網俾大家睇吓。

喺度，我要鄭重多謝暫託咗波波個幾月嘅 Annie 同Anthony，佢地除咗照顧波波嘅起居飲食大小二便之外，仲好俾心機教波波禮貌，等波波變成一隻今日咁聽話咁乖巧嘅囡囡；又容忍波波多次搗亂盆栽兼咬爛嘢（俾著我，實要打過佢至得，貢曳！），同埋多謝陪住波波玩嘅 copy 仔同另一隻好文靜嘅狗狗。真係衷心感激。

波波得到咁多網上嘅叔叔同姨姨關心，係佢幾生修來嘅福氣。我希望藉住波波輸出嘅正能量，令所有流浪貓狗得到正念力，最終都搵到佢地嘅好主人！”

波波近照 (家有大花園, 真幸福!)

還有新玩伴 (新主人還養有貓貓, 是個熱鬧的大家庭)

謝謝大家的祝福. 也繼續祝願天下所有流浪小動物, 都有一個家!