大家嘗試合上眼精, 想像自己是一隻半呎至一呎高的小貓, 又或者是兩呎至三呎高的小狗, 站在熙來攘往的街上, 身邊的人類全都比你高, 比你大, 你害怕嗎?
忽然有人會走過來, 說著"好得意呀!", 然後肆意摸你, 或企圖抱起你, 你害怕嗎?
又或者有人見到你歇斯底里地尖叫, 你害怕嗎?
又甚至有人走過來無緣無故踢你一腳, 你害怕嗎?
你害怕這些每一個都比你高大很多的人類嗎?
對了, 害怕是正常的, 所以假如你是小貓, 你寧願跳上簷蓬, 起碼你覺得安全, 假如你是小狗, 你躲起來了.
你會奇怪, 我是否寄居在別人的籬笆下? 這個地方, 沒有容得下我的空間麼? 這些所謂的"人類", 是這片土地的主宰嗎? 所有的事情, 由他們控制嗎?
這片大地, 不是該由一切生物享用嗎? 為什麼要找一片藏身安居的地方, 好像很難?
話說回來, 跳上簷蓬的小貓安心了, 心想: 原來高高在上的感覺真不錯, 沒有人能伸手來抓我, 我跳躍於簷蓬之間, 樂透了!
"砰! 砰! 砰!"
身上痛了, 不知何故, 事實上, 小貓也根本不懂得問"為什麼". 他只會做的, 就是不停舔舔傷口, 盡量令傷口感覺沒那麼痛.
血一直在流, 疼痛的感覺並沒褪去, 身上好像多了一點什麼, 但弄不出來, 怎麼辦?
http://hk.apple.nextmedia.com/template/apple/art_main.php?iss_id=20110511&sec_id=4104&art_id=15243395
寫不下去了, 本來就是有感而發, 想寫下幾句說話, 大家自己想想吧.
回覆刪除[版主回覆05/18/2011 15:59:00](Empty)
真係唔明點解會有咁恨心既人，每個人都有憐憫之心，呢d人重衰過禽獸
回覆刪除[版主回覆05/18/2011 15:59:00]冇架, 呢d人無良心架!
真係好唔開心
回覆刪除[版主回覆05/18/2011 15:59:00](Empty)
人真係可以好恐怖又自私! 這些人等天收o巴
回覆刪除[版主回覆05/18/2011 15:59:00]承你貴言, 等天收!
今日又有一單係擲貓落街喇... 真係睇到我喊.... 希望政府快d做d野啦, 呢d連禽獸都不如既生物都枉佢為人.... 簡直係敗類....
回覆刪除[版主回覆05/18/2011 15:58:00]掟落街果單又係好過份, 分明要置佢於死地! 無錯呀, 人渣, 敗類
果d係人渣中既人渣！
回覆刪除[版主回覆05/18/2011 15:58:00]絕對同意
衰人、衰人 ，只會蝦無助o既小動物，要快啲捉到呢啲衰人，好戥啲流浪動物心痛
回覆刪除[版主回覆05/18/2011 15:58:00]只怪香港法例判刑又唔重, d人都唔知驚!
D 人真係好過分 ....貓地咁可愛... 又冇搞到佢地.... 點解要咁做 ?!...同埋佢咁做係好危險.......除左貓貓.... 仲有可能傷到人GA MA .
回覆刪除[版主回覆05/18/2011 15:57:00]呢d人喪心病狂, 我只希望有一日佢會受到同樣對待!
I feel so sad....so sad....crying after I read the news
回覆刪除[版主回覆05/18/2011 15:56:00]Me too. Really upset!
或許喵咪們可以不那麼可愛，就不會給那幫衰人盯上......但可愛不是錯，信任人類、渴望可以得到多些關懷也沒有錯。有誰想一世流離失所？有誰想一世“玩”著捉迷藏，半刻不得安寧？有誰不想要有一方安穩的家，求得三餐溫飽？
回覆刪除最錯的是，人類的良知被埋葬了，不值得他們信任，但他們卻單純的分辨不到......這又該怪誰，怪的是人類人面獸心，披著人的皮囊卻連禽獸也不如，將一時的快感建在手無寸鐵的小生命身上......
[版主回覆05/18/2011 15:56:00]呢d惡人一定有惡報 佢地無良心架!
好心痛，雖然大家同生於一個大地，但脆弱的小生命並無容身之所，亦不受尊重，為什麼還要受到迫害... 每次見到動物受害，心情都不好過... ... 哭了出來...
回覆刪除[版主回覆05/18/2011 15:55:00]係, 每次我想起小動物因受傷害而痛苦, 都會好難過
呢個世界就係咁唔公平,貓都係生命黎架..
回覆刪除[版主回覆05/18/2011 15:55:00]呢d人渣唔會咁諗架!
必遭 < 天讉 >
回覆刪除[版主回覆05/18/2011 15:54:00]同意!
最近真的太多單了.沒關係, 這個世界是公平,終有一天會回報到佢身上既
回覆刪除[版主回覆05/18/2011 15:54:00]呢兩個星期真係多, 今日蘋果又有一單, 好在唔嚴重. 法官唔重判, 無計, 無阻嚇作用!
捉倒啦, 拉咗個衰人啦
回覆刪除[版主回覆05/18/2011 15:51:00]但都要重判先算數!
好心痛 ,呢d人正pk , 無能政府唔加重刑罰 ,只會助長案見重演 .
回覆刪除[版主回覆05/18/2011 15:50:00]無錯, 根本而家起唔到阻嚇作用!
oh carmen. i'm Yee lok, you remember me?
回覆刪除超級認同你既說法... 人類也只是其中的一種生物而已... 沒權傷害更不能主宰其他生物的生死. 這些事真的令人很無言....
剛剛才看到你的blog, 哈哈.. 很多貓咪喔~ 蝦頭好嗎?
[版主回覆06/04/2011 14:48:00]當然記得你啦! 原來你都有寫blog! 你點解搵到我既? 你仲係咁多貓貓狗狗嗎? 我最記得廿一妹, 呢度有講佢既: http://hk.myblog.yahoo.com/Mrs-Pig/article?mid=5907 你仲記得蝦頭! 佢好好, 不過係身體差少少, 情緒差少少, 今年九歲啦, 當年多得你地照顧佢! 係呢度遇到老朋友, 感覺太好
haha~ 我係睇倒新聞先知你有blog架~ 我其實好小寫blog的~ 但見倒你個blog真係好正~好有心機喔...
回覆刪除我屋企仲係有好多貓狗同埋其他動物, 不過有啲都離開咗我啦~ 廿一妹ok呀~ 係有一隻眼有青光眼, 要日日滴眼藥水, 遲啲可能要幫佢拿掉一隻眼了, 但醫生話仲未到那階段. 你依家住邊呀? 我們有空可以來探你嗎?
[版主回覆06/05/2011 22:49:00]我搬到好遠，而家住西貢，你地黎探我我一定歡迎！ 你睇新聞認到係我？好勁呀！我地成七年無見啦！（定你認得蝦頭？ ） 我記得你仲有貓貓叫花花，Coco, 阿仔（記得咁多咋）識你家姐時，你地一共有七貓同兩隻金毛，後來聽聞越養越多！最記得多左兩隻聖斑納，不過睇你blog，知道一隻走了。 我都係，養下一隻又一隻，你地當年黎小西灣探我，當時都只係四隻貓咋！ 仲有無養蛇呀！ 廿一妹.....大約十歲左右？貓貓年紀開始大，就越多越多小毛病，不過我地始終有能力養到佢地終老，所以我依然相信，有家的小朋友係最有福既！