為 了醫治蝦頭的腸胃問題，我們早已給他完成了吃藥的療程，而且他亦一直困籠，與其他貓貓共用砂盆的機會大大減少，可惜，他的便便仍是水水的，沒有太大改善。 聽說那是由於細菌已把他的大腸破壞，不是一時一刻可以根治，所以我們唯有退而求其次，想辦法替他止痾，最起碼，他上廁所時不用太辛苦。
本來我們打算餵他吃止痾藥，忽然，有一名好心的人在我blog留言，說她的貓貓也受梨形蟲之苦，同樣吃藥後也不見好，後來她嘗試餵貓貓吃Dr. Barf，貓貓水水便的問題便解決了，所以叫我不妨一試。
提起Dr. Barf，我就想起發那一次吃Dr. Barf 的經驗，原來貓貓對生肉頗為抗拒呢。
不過為了蝦頭，也得一試，幸好附近有一間籠物店有售Dr. Barf， 因為始終是生肉，購買地方太遠，會擔心回家時肉質變壞。
貓吃的Dr. Barf 分別有兔肉，火雞肉和袋鼠肉，我自己就對兔肉和袋鼠肉有點抗拒，所以買了火雞肉。一盒Dr. Barf有12塊雪藏生肉，貓吃的每塊大約115克，建議食量是一日一塊肉，不過蝦頭當然吃不到那麼多。
想知道Dr. Barf有什麼好處可看這裹
很大盒的（我買＄148，一個月大約兩盒，＄300左右，幸好家中只有一隻貓要吃Dr. Barf，否則七隻貓吃窮我
）
）
這是從冰箱拿出來的
吃之前24小時要從冰箱拿到雪櫃下層解凍。解凍後是這樣的，會有血水
紅紅的肉（可能是火雞肉的緣故，沒發吃的肉那麼紅），我就覺得不太吸引了，而且沒有罐罐那種很濃的香味
幫貓貓轉Dr. Barf有兩個方法，立即轉的話，要先餓貓貓廿個小時，即是美給發用的方法，另一方法是漸進式，先混合貓貓平日吃的貓糧，然後慢慢全部轉生肉。
我們採取了漸進式，家中貓太多，不可能全部陪蝦頭餓廿個小時，但假如其他貓吃而蝦頭沒得吃，他準會不高興。
第一餐，我們加了點蝦頭平日吃的乾糧，混和生肉給他，結果他一點都沒抗拒，吃光了。
之後也就不再混乾糧，現在他每餐都吃生肉
（我也試過讓寶寶和咕咕吃，他們接受能力稍低，要聞很久很久才肯放入口，但後來就習慣了，有時順手給他們一點，也吃得津津有味。見到大家的貓那麼挑吃，我這班正一是化骨龍，什麼食物都不放過
）
）我們也上過Dr. Barf 的官方討論區，見到有些主人分享，貓貓吃了Dr. Barf 兩天，便便明顯變硬。
我們也很期待啊！
每天替他清理砂盆時都留意有沒有硬便便
每天替他清理砂盆時都留意有沒有硬便便結果第四天……
是久違了的深啡色硬便便！
比起之前的水水便，是否進步了很多？
其他貓貓也有新口味，因為家中的Almo Nature吃得七七八八，我終於訂了一箱Applaws Ocean Fish （他們未吃過的）
每一罐都很大，156克
這是家中的糧倉，貓狗罐罐都在這裹
有貓扮罐罐 
很高興又學識多一樣對猫猫有用的知識 蝦頭有進步真係太好了 換轉係我，我都好抗拒兔肉和袋鼠肉呢 (見到Peter Rabbit的碟啊 ) 蝦頭努力
回覆刪除[版主回覆04/03/2011 01:17:00]希望你用唔著呢D知識啦 每次諗起兔肉，我就諗起你，雖則阿美同阿寶都話貓貓勁鍾意兔肉做食品，但就真係....可免則免，反正大把選擇。 我係超級peter rabbit迷，以前個blog個profile pic 都係peter rabbit, 貓貓自細用好多佢既食具啦，不過其實呢D質地唔好用，無不鏽鋼咁易清潔，用耐左會潺。 多謝你
睇唔少 forum, blog, 未見過唐貓肯吃 dr B 等生肉 , 蝦頭認真乖 ! 希望繼續保持佳境
回覆刪除妳上 fb 問下人邊樹買最平 ? 好似有 d petshop 買滿某個價 $ 送凍袋的!
[版主回覆04/03/2011 01:14:00]其實都係搏一搏，你都見發對住Dr. Barf個厭惡表情。估唔到不費吹灰之力，咁就幫佢轉左糧，蝦頭真係抵錫。 美俾左地址我啦，係旺角樓上breeder，有八五折，去開或者會買，冰袋我都有
肯食就好，又可以醫好腸胃敏感o既問題
回覆刪除[版主回覆04/04/2011 10:35:00]係呀, 佢真係乖乖!
蝦頭的便便好了很多啊,希望蝦頭快D好番...
回覆刪除[版主回覆04/04/2011 10:34:00]多謝! 佢真係有明顯改善, 唔使食止痾藥啦!
我有些朋友宝貝都有軟便便呀...多謝分享! 我也是對兔肉有点兒拒拒 , 所以有選擇下都免免 lor !
回覆刪除[版主回覆04/04/2011 10:33:00]最好d朋友夾到一齊share買一盒, 試左貓貓肯食先買, 因為一盒都幾多. 佢仲有個建議食法, 如果貓貓唔多肯食, 可以無油用pan煎香表面, 或者放微波爐稍稍叮下, 等佢冇咁生, 先俾貓貓食.
OO!!真係好大改善！咁佢叫康復未？
回覆刪除[版主回覆04/04/2011 10:35:00]唔算架, 而家只係治標唔治本(因為治唔到本), 但大大減低左佢既不適, 都算係好事!
希望呢個方法對蝦頭真係有用啦... 基本上我對生肉都頗抗拒呢
回覆刪除[版主回覆04/07/2011 10:58:00]我起初都係架, 要佢食生肉, 我總係覺得好對佢唔住, 而家先慢慢心理上覺得好d, 尤其蝦頭食左之後真係有好轉.
希望蝦頭快d好番！估吾到生肉有效呢！
回覆刪除[版主回覆04/07/2011 10:59:00]係呀, 原來絕望之時, 又仲有d希望, 多謝你呀!
看著看著 , 真替你高興 , 好多時食物本身就是良藥 , 只要貓貓肯就範便容易解決 , 蝦頭真係乖 , 最開心莫過於你媽了 ! Dr. Barf, 之前都睇過好多關於這些生肉資料 , 覺得肯食肯試都是品種貓居多 , 更多是幼貓期便開始吃 .
回覆刪除現在又幾天過去了 , 相信蝦頭便便應該再好了點 .
Applaws~ 牠們喜歡嗎 ? 唔怕同你講 , 貓糧同罐頭我自己有親身試食 ( 試脆口 , 質感同味道 , 不吞的 ), Applaws 只有全天然鮮魚甜味 , 又有魚汁 , 一點也不鹹 , 我食都覺得好味 , 好放心 , 相信是良心企業產品 .
化骨龍真令我羨慕 , 人家貓常嚷著減肥節食 , 我就要想辦法令牠們多吃 , 好頭痛
蝦頭要再叻叻給媽媽看
[版主回覆04/07/2011 11:01:00]係呀, 蝦頭好生性, 我都好安慰 我其實無咩睇過dr. barf既資料, 本來就唔識呢個牌子, 好在佢而家有好轉咋. 我始終無法將任何寵物糧放入口 雖然我好多朋友都有. 我開左幾罐applaws佢地食啦, 都好鍾意(其實無咩食物佢地唔鍾意).
NINJA~MEOW
回覆刪除[版主回覆04/12/2011 20:43:00](Empty)
美家阿發睇完.e你這篇blog，非常難以置信! 也令發聽了美好多難聽的話，例如：乃睇下蝦頭幾叻..乃就衰啦...唔肯吃...敗家...打壞...無用太監之類 所以發已blacklist了.e乃的blog. 蝦頭真係要吃多d啦..咁好...終於大便有好轉..正呀!
回覆刪除[版主回覆04/12/2011 20:44:00]發blacklist唔緊要, 美冇blacklist就得啦
我家小貓 喜歡吃 Applaws chicken breast with egg for kittens. 打開罐罐就 聞到好香 , 相信 Applaws是用 新鮮料做
回覆刪除[版主回覆04/16/2011 10:29:00]今次買呢一批applaws ocean fish已經食左一半, 我打算再買時會試下其他味, 等我又試下你呢款先
我家BZPS 都係食DR B GA...
回覆刪除[版主回覆04/20/2011 13:38:00]Yeah! 佢地肯食就最好啦!
Hi, 睇倒你呢篇blog先知Dr.B轉咗packing。最近沒買因為我家貓貓好似食厭咗咁唔多like lu。所以依家玩homemade。貓貓吃生肉真係對身体好好。我家貓貓由幾個月大就開始比佢地轉食生肉為主。佢地嘅便便真係㧜地有聲，粒粒似欖核咁。為貓貓健康，請堅持呀！願貓們健康快樂！
回覆刪除[版主回覆04/29/2011 10:08:00]多謝你! 咁你homemade食物俾佢地, 係生定熟呢?
homemade barf 係生的. 雖然自己做係要用些時間, 但如果會令貓兒健康, 亦樂於付出的. just give & take, right?
回覆刪除[版主回覆05/02/2011 15:09:00]好勁呀! 我連點入手都唔識, 你真係好好心機呢!