早就想分享Shomo和蝦頭小時候的樣子，不過由於最初養他倆是十年前的事，那個時候數碼相機還未普及，所以他們小時候的照片，是沖曬出來一幅幅的相片，要先把相片轉做soft copy才可以出blog.
我終於“的起心肝”，把相片都scan了，以下的內容才得以曝光呢
很久前提過，我養貓貓的原因
今次的主角是Shomo, 先簡介一下
名字: Shomo (這個只是自己拼的拼音, 實際名字是”小貓”, 用上海話發音)
乳名: 麼麼 / 麼麼豬
花名: 多口仔 (最愛駁嘴) / 嘔仔 (全家嘔吐得最多就是他)
年紀: 10歲
發現地點: 大浪灣
性格: 超嗲, 尤其喜歡黏著媽媽(即是我), 雖是全家最年長的貓, 卻沒有大哥的風範, 鬧別扭時還像個小孩子. 七貓之中, 最固執是他, 你越不許他做的事, 他越要做, 越要跟你反抗, 簡直是小無賴兼小蠻牛.
特徵: 尾巴折曲, 像個波波, 有點像bobtail的貓, 頭頂兩片黑毛極為對稱, 所以小時候亦有”網球頭”這個外號 (又是我改的
)
特徵: 尾巴折曲, 像個波波, 有點像bobtail的貓, 頭頂兩片黑毛極為對稱, 所以小時候亦有”網球頭”這個外號 (又是我改的
)Shomo是怎樣到我家的，這個不再重覆了，反而想分享一些他小時候的相片，這樣，你們就會知道為何我如此喜歡他。
看到照片上的日期，就知道Shomo今年多大
舉手投足都是那麼有趣，教我如何不愛死他
連上廁所的樣子都可愛過人 （別嫌我肉麻，在我眼中，自家的寶貝是最好的）
）
頸上戴著的頸帶，後來不知何故被我拆下了，過了一段時間後，他就不肯再戴，但我依然保留著，是家傳之寶之一
接著的相片，是我接手養Shomo後拍的
吃東西很乖的
和其他貓B一樣，小時候喜歡咬人，看他雙腳撐著我的手，多肉緊！Shomo直至現在，只要肉緊仍會抓著我的手來咬（他很聰明，是印著來咬的，我從來不會受傷）
我就是用Shomo身後的Printer紙盒盛著他回家，這個紙盒早期一直是他睡覺的地方
怎麼樣？夠可愛了吧！
預告一下，下一次分享“想當年”的主角是蝦頭，小時候的他可愛得準會教大家尖叫.
大點 , 做這個專輯好有意思啊
回覆刪除見 shomo 叫嘔仔 , 忍唔住對個 mon 笑出
現在 shomo 都是妳心中的第一位吧?
[版主回覆02/25/2011 11:14:00]係呀, 開始寫blog時, shomo, 蝦頭, noonoo同妹妹都大個, 所以blog甚少記錄佢地小時候既事, 所以而家補返 嘔仔呢個名, 都近係兩年先有, 佢真係好鬼易嘔架, 全家就係為左佢先要少食多餐 對啊! 話就話七隻都錫, 心底裏都知, 始終最錫係佢
shomo真係好可愛呀，bb時真係成個公仔咁 大點作d花名真係好攪笑---嘔仔，網球頭，笑c我
回覆刪除[版主回覆02/25/2011 11:24:00]係呀, 佢細個真係幾似公仔 我唔係隻隻貓細個都咁趣緻架! 佢特別多古怪, 所以花名都寧捨古怪
very lovely
回覆刪除[版主回覆02/25/2011 14:02:00]Thank you
我在想，小豆知唔知自己係狗 照睇Shomo到妳家時，只有兩個月左右大而已，果時候的猫Ｂ是超可愛的 唔... 我都出番一輯叮噹和Happy 仔的猫Ｂ時候的特輯先，皆因叮噹到我家時只有數日大，可愛都不得了 同意自家的寶貝係天下最美，最可愛的 我都有保留佢地用過Ge東西，就算爛咗都唔捨得當掉，尤其是妹妹的。 快Ｄ出蝦頭的特輯La
回覆刪除[版主回覆02/25/2011 14:10:00]豆佢知架 因為佢五歲起先同貓一齊住 貓b半歲前, 真係天下間最可愛既生物 隻隻都好得意 係呀, 我都留左貓貓好多野, 樣樣都係寶, 真係唔捨得dump, 尤其是細細個帶佢地出街用果d籠仔, 我仲keep住兩個. 我都期待你分享叮噹同happy仔既童年故事, 相信佢地無shomo同蝦頭咁大, 唔使scan相卦
好可愛呀! BB 照好珍貴。
回覆刪除[版主回覆02/28/2011 13:54:00]係呀, 我一定要好好珍惜!
梳毛好得意哦!! 個咀突突的!!
回覆刪除[版主回覆02/28/2011 13:54:00]你同診所姑娘都係叫佢做梳毛 佢個名讀音似:"喪(冇左最尾個鼻音)麼", 所以乳名叫麼麼. 你話佢個嘴突突, 令我諗起可能因為咁所以佢咁多野講!
Shomo小時候，真係好得意可愛
回覆刪除[版主回覆02/28/2011 13:51:00]多謝
原來shomo=小貓！吾怪得之佢個名咁特別啦！佢真係好可愛喔！！
回覆刪除新banner 好靚
[版主回覆02/28/2011 13:50:00]係呀, 其實個名普到死屎 係發音特別d lor! 多謝你稱讚!
所有貓响bb個stage 係最可愛!!
回覆刪除[版主回覆02/28/2011 13:50:00]說得沒錯, 每次見到都要同自己講: 屋企有好多, 諗都唔好諗!
Shomo with a pretty face ~~meow
回覆刪除[版主回覆03/01/2011 12:31:00]Thank you Meow~~~
哈哈, 你都 '執到寶', 小時候的shomo, 記得你以前的blog都看過, 真係超勁可愛
回覆刪除我細佬妹細個真係醜到不行, 你仲有幾多隻寶貝可以寫小時候呀(不會只有嘔仔和蝦頭??), 好羨慕, 你都知, 我四隻得兩隻有小時候, 那時得部舊款傻瓜機, 好後悔自己買新相機買得遲, 錯過了很多時光
人就話拉仔拉心肝, 不過好多貓媽最錫都會係老大(我都係 )
[版主回覆03/02/2011 09:56:00]大家都互相執到寶 (因為朋友俾左shomo我之後, 後期再另外養左兩隻貓, 但一隻好細個病死左, 一隻因為佢太太懷孕交左俾親戚養, 所以shomo跟左我都未嘗唔係好事) 我好d, 七隻貓當中, 有六隻係由bb開始養, 其實係有原因架, 遲d blog再解釋 冬瓜既小時候篇之前出左架啦(有兩篇), 你有無睇過呀? 你咪睇嘔仔細個得得意意, 大個左都唔靚仔, 邊似你家細佬妹, 大個左不知幾靚! 冇錯, 我真係最錫老大, 因為對佢時間最耐!
拿, 靠記憶咋, 你漏夜(唔記得邊個小朋友)捉蚤啦, 又唔記得同邊個絕育, 傷口攪到
回覆刪除貓bb真係隻隻都那麼可愛, 真係暈得一陣陣. 係呀, 昨晚明珠台做貓癡之旅, 有無睇呀 ?
[版主回覆03/02/2011 15:27:00]你果然睇左 個節目冇睇tim!
"原因" 可直接連接那篇網誌 , 是如何做法的 ?
回覆刪除我雖然都連接到 , 但顯示是整個網址 !
請教 ! 請教 ! 唔該哂 !!!
[版主回覆03/14/2011 16:25:00]打blog時, 將你想有link既字highlight, 例如"原因", 然後按上面有個叫insert link既button (underline個U字右手邊個掣), 跟住佢會顯示 http:// 你將你想人地click個字去到既網址link輸入去果欄就得架啦. 至於你顯示係整個網址, 可能你揀左整個網址個link, 試下去返某一篇blog, 先copy佢上面個link, 再搬落insert link果個欄入面.
嚇得我 ! 真以為自己咁死蠢 !!!!!!
回覆刪除整極都整唔到 ...... 用那 "BB 女 ....." " 網誌 " " 原因 " 都表示 ( 無此 blog / 找尋不到 .... )
好彩試 highlight " 甚麼 " , ^o^ 終於 ok 咗 ! 真多謝你 !
但 我又唔喺 好明點解要用 " 甚麼 " , 其他字眼又唔得呢 ? !
好貪心 ! 可以教 0 埋 我主頁的 " 我的心情 " 是如何做的嗎 ?
我見有 d blog 有 , 有 d blog 無 , 有 d 整到有大有細 , 色彩很靚 , 很有動感的 !
唔該晒你呀 ! ! !
[版主回覆03/15/2011 11:18:00]要加我的心情, 先去返你blog主頁, 按上面編緝版面, 然後揀"加入組件", 跟住第二行最尾果個就係"我的心情", 你click左佢, 佢會問你放邊度, 通常放blog訂, 咁確定就得架啦, 有d人有set, 有d人無set. 至於連接果度, 應該所有字都做到的, 你highlight你想整既字, 然後按insert link個掣, 佢一彈出黎, 除左俾你輸入你想連結既網址外, 下面會show埋按邊d字先去到個連結, 你check下有無錯先確定.
ok ! 整到啦 ! 唔該晒你呀 !
回覆刪除祝貓貓們開開心心 !
[版主回覆03/16/2011 20:18:00]多謝你!
Hi ! 妳好 !
回覆刪除[版主回覆03/22/2011 10:19:00]Hihi 你好