這兩個星期很忙, 因為剛剛賣了房子, 正為尋覓新房子而煩惱.
其實這次搬家也有點身不由己. 大約兩個月前, 從鄰居口中聽聞我家屋前的空地將會建一幢三層高的房子, 我並非憂慮海景沒了, 而是擔心本來就不太光亮的屋會變得更暗. 問過朋友的意見後, 決定把房子出售.
最捨不得的, 還是花園的貓貓, 尤其皮皮, “養”了他已差不多兩年, 如果可以的話, 心中很想帶他走, 可惜自己一屋七貓都有點不和, 我實在不敢再添一隻貓貓, 加上皮皮其實也很享受戶外生活, 附近也有其他鄰居餵貓, 所以我也放心一點. (希望新屋主人不要嫌棄常有貓貓到他們花園蹓躂)
未來的日子我打算先租樓, 也許會在同村找單位 (希望待樓價下跌時再買房子, 所以暫時只打算住一個租約, 也不想煩搬得太遠), 所以我應該還可以多點回來探望貓貓們.
補回一些最近拍攝的照片
兩隻BB睡得很纏綿
最近網上看到很多人都話搬家..如果今期我們抽到居屋的確也要搬家啦..
回覆刪除[版主回覆07/19/2010 21:53:00]希望你抽到啦，而家私人樓太貴！
快D搵到新屋，之後招呼我去玩!
回覆刪除[版主回覆07/19/2010 21:53:00]冇問題，隨時都可以。
我和貓爸的情況也和你有點相似，大家都係賣左樓之後租樓住，到之後如跌價再買入，不過貓爸之前是住樓的，賣了之後才開始租村屋，就開始了養貓和餵貓，我們有時想，都不知第日怎搬走，好好好好好不捨得出面的貓，又不能帶入屋，因兩貓感情太好，真的怕牠們會不喜歡，友人帶貓來玩或試過住５天，牠們都狂fee貓地，又嬲我地啊。我們當出面的貓地，是我們的食客，己習慣每天餵牠們一早一晚了，好想到你家探你，希望有機會啦！
回覆刪除[版主回覆07/20/2010 13:29:00]會啊! 好唔捨得貓貓, 不過我住開呢條村d人都好友善, 我都見有不少人有放貓糧出花園餵村貓, 所以就算將來要搬走, 都會放心d. 所以未來一年好大可能租返呢條村, 我仲有d絕育計劃未完成, 希望可以同鄰居合作, 幫白腳仔同bb都絕埋育(bb暫時未夠半歲, 唔敢帶佢地做手術). 好呀! 可以黎探我地同貓貓呀! 呢間屋住到八月底, 否則搬左都仲可以黎!
搬屋真係好煩、又其係你有好多對腳要搬！
回覆刪除[版主回覆07/21/2010 10:15:00]嘩哈哈! 講得冇錯, 我有朋友又係咁講, 話我搬屋好煩, 因為屋企有好多腳仔!
oh... you are leaving the house....
回覆刪除the cats cats will miss you a lot...
hope you can find another nice house in the neighbourhood and stay close to the cats cats...
[版主回覆07/21/2010 10:17:00]Yes, got to move before the house in front is built. I won't go far for the time being.
你係咪參加SPAC的CCCP計劃呢？真係好有意義，上次貓爸幫手捉了３隻，我要番工參加唔到，到後來我去過另一個義工到，一齊幫手捉貓，佢地好pro呢。我都想日後多些幫手做下義工。 我同你再夾下８月邊個weekend得，真的想來你家玩貓啊！哈哈。
回覆刪除[版主回覆07/22/2010 10:47:00]我唔係CCCP義工, 但我條村有人可借捕貓籠, 我地可以自費幫貓貓絕育 (因為我識人做CCCP義工, 佢都話捉到貓貓要拎去灣仔愛協總部先可以做絕育, 唔知係咪呢? 如果係太遠啦.) 我八月三十號先交吉, 所以成個八月都OK, 星期六就好D, 因為我有兩個星期日要返工, 上次你帶妹妹做手術間診所附近有一架小巴去到架, 到時教你, 你想幾時黎玩, 早幾日話我知就得! (呢間屋靚D, 黎呢度玩啦 )
唔知果兩隻bb而家點呢? 你搬左之後佢地咪無地方住lor?
回覆刪除[版主回覆07/28/2010 12:59:00]唔會, 個花園都係度, 我會同新住客講, 見到貓貓唔好趕佢地走. 另外我隔離有個鄰居都係長餵貓貓, 佢花園有個屋仔入面放左貓糧, 所以其實貓貓都好多地方走動架!